ఊహా విహారిణి
మెల్లని పిల్లగాలి మెయి మీటుచు సాగెను
పుల్కరించగన్
ఝల్లను మేనితో మనసు జంటగ గూడుచు పాడె హాయిగా
యుల్లము పల్లవించ మది యూహల తేనెలు జాలువారగన్
ఎల్లలు లేని నా మనసుకెల్ల సుఖంబుల బేర్చి గూర్చ దా
పిల్లనగ్రోవియై పిలువ పేరిమి మీరిన కాంక్ష గల్గు నే
తెల్లము జేయ వెల్వడితి తేరుగ జేసి మనంబు భావముల్
తెల్లని ఆశ్వయూధముగ తెమ్మెర పగ్గముగా దనర్పగన్
బెల్లము గాగ నా మనసు
బేరులు గట్టిన గండుజీమలై
గిల్లగ నీదు జ్ఞాపికలు
గిచ్చుల నెల్ల భరించలేక నే
తల్లట జెందుచున్ మిగుల దైన్యము బొందుచు పుష్పవాటికల్
మొల్లల కుంజముల్ దిరుగ
మోహిని కానవదేల తెల్పుమా!
చెరుకు రామ మోహన్ రావు
No comments:
Post a Comment