జయ ఉగాది

జయ ఉగాది 

శ్రీలు చిల్కునటంచు చిల్కలు పల్కంగ 
జయమంచు ఘోషించె జయ యుగాది 
కోకిలమ్మలు పాడి కురిపించ దీవెనల్ 
జయమంచు ఘోషించె జయ యుగాది
మరుమల్లియల తావి మనసుల రంజింప 
జయమంచు ఘోషించె జయ యుగాది
జలజల పారేటి జలధార జతజేరి 
జయమంచు ఘోషించె జయ యుగాది

కష్ట కాలాలు గతియించె కలుగు శుభము 
నష్టములు చేర రావింక నలువ కరుణ 
దృష్టి ప్రగతిన సారించి దృఢముగాను 
ఇష్టసిద్ధిని గనుమనె ఈయుగాది

సకల పాఠక మిత్ర జనాళికి 
జయ నామ సంవత్సర ఉగాది శుభాకాంక్షలతో
చెరుకు రామ మోహన్ రావు