మంచి దారి ఎన్నుకో - మదగజమై నడు
https://cherukuramamohan.blogspot.com/2023/02/blog-post_28.html
రంజన
లేక కం ధి గొను రాబవ లంతయు మేఘ సృష్టి కై
పంజరమందు
నిల్చియును పల్కును చిల్కలు ముద్దు పల్కులన్
భంజన
చెందియున్ తరువు ఇచ్చును మెచ్చగ సాలభంజికల్
కుంజరమౌచు
సాగవలె కుంకక జంకక క్లేశమందునన్
కంధి
= సముద్రము , రంజన = ఆనందము , రాబవలు = రాత్రింబవళ్ళు
భంజన
చెందియున్ = విరచబడి కూడా ,
సాలాభంజికల్
= స్తంభమునకు చెక్కిన బొమ్మలు , కుంజరము =
ఏనుగు.
సఖీ ఈ రేయి వెలిసెను
https://cherukuramamohan.blogspot.com/2023/02/blog-post_27.html
సఖీ ఈ రేయి వెలిసెను
నీ జాడే
తెలియదాయె
నిశీధే నెలవు మారెనూ
నీ జాడే తెలియదాయె
తరంగాలై నీతలపులు
పదే పదే ఎద తాకెనె
నిరాశా నీరసాలతో
చెమర్చెను నాకన్నులే
జలదమే జార వానగా
నీ జాడే తెలియదాయె
మనోనభ సీమయె నీవై
సదా సదా వ్యాపించగ
విహంగాలై ఎగురసాగెలే
చెలీ నీ తీపి గురుతులు
ప్రళయ మారుతపు తెరలలో
నీ జాడే తెలియదాయె
తమిస్రపథముల
పాంథునై
చెలీ
నినే జపించితి
విషాదమే
మిగిల్చెనే
విధాతయే
విరోధియై
అమాసే
ఆవరించగా
నీ
జాడే తెలియదాయె
సఖీ
ఈ రేయి వెలిసెను
నీ జాడే తెలియదాయె
రామచిలుక
https://cherukuramamohan.blogspot.com/2023/02/blog-post_26.html
జీవితాన
ఒకరినే ప్రేమించే జీవి నీవు
అందులకే
రామచిలుకవైనావు
నీకెవరూ
సాటిరారు రామచిలుకా
నీసుగుణము
మాకేదీ నిజము పలుక llజీవితానll
చిలుకపచ్చ నీమేనికి చెదరని అందం
దొండపండురంగు ముక్కు నీకే సొంతం
నీఅందం నీచందం అలరించును మాడెందం
నీ రూపం నీ స్నేహం అపురూపం llజీవితానll
నీ తళుకు నీ
బెళుకు నీదగు కులుకు
ముచ్చటైన నీ
పలుకు ముద్దులు చిలుకు
పులుగులవి
ఎన్నున్నా పోలవులే అవినీకు
నీఎంగిలి
జామరుచులు ఎక్కడ దొరుకు llజీవితానll
ఓంకారము నందున అమ్మవు నీవే
శుకయోగికి నాసికము పలుకువు నీవే
అమ్మ కుడిభుజానికి ఆభరణము నీవే
శుకమా నీబాట మాకు కూర్చును సుఖమే
llజీవితానll
అందము
నిండిన డెందము
https://cherukuramamohan.blogspot.com/2023/02/blog-post.html
హరియౌ నీ ముఖ బింబము
హరి నుడులై జెలగు బహుళ ఆకర్షకమై
హరి జడయు నడుము జూడగ
హరి హరి నిను బొగడ తరమె హరిణీ తరుణీ
ముఖ బింబము హరి అంటే చంద్రునితో సమానము. మాటలా ఆకర్షణీయమైన
హరి అనగా చిలుక పలుకులు. హరిని అనగా
నాగును బోలిన జడ, హరి అనగా సింహము యొక్క నడుము, ఇన్ని విధముల హరిని కల్గిన నిన్ను హరి హరీ పొగడ సాధ్యమా లేడి తో సమానమగు యువతీ!
చెరుకు రామ మోహన్ రావు
