ఆంధ్రపౌరుషము

ఆంధ్రపౌరుషము

గోదావరీ పావనో దార వాఃపూర

మఖిల భారతము మాదన్న నాడు,

తుంగభద్రా సముత్తుంగ రావము తోడ

కవుల గానము శ్రుతి గలయు నాడు,

పెన్నానదీ సముత్పన్న కైరవ దశ

శ్రేణి లో తెన్గు వాసించు నాడు

కృష్ణా తరంగ నిర్ణిద్రగానముతోడ

శిల్పమ్ము తొలిపూజ సేయునాడు!

అక్షరజ్ఞాన మెరుగదో యాంధ్ర జాతి,

విమలకృష్ణానదీసైకతములందు

కోకిలపు పిచ్చుక గూండ్లు కట్టి

నేర్చుకొన్నది పూర్ణిమా నిశల యందు

( శ్రీ విశ్వనాథ సత్యనారాయణ కవి విరచితము)